SENI SEVGANIM ROST

Ba'zan biror voqeani eshitib qolganimizda taqdir yo taqdir oʻyinlari-da, deymiz. Bu – bor gap. Ammo taqdirning ham, taqdir oʻyinlarining ham ziminida insonlarning feʼl-atvori yotishini, afsuski, hamma vaqt ham anglab yetavermaymiz. Bunday holga tushib qolmaslik uchun esa yanada xushyorroq boʻlishga toʻgʻri keladi. Toʻgʻri, hikoyalarda goho uchinchi odamning borligi sezilmay qolganday tuyuladi. Ammo sinchiklab oʻqisangiz, uni koʻzga koʻrinmas zanjirday voqealar tizimi bogʻlab turganligining guvohi boʻlasiz. Bu– tabiiy. Chunki hayot shunday. Shul sabab, asar shunday nomlandi. Baholash esa har galgiday sizdan, aziz kitobxon!