Shamollarga uchgan nidolar

Oʻzbek maʼnaviyati shu qadar buyukki, goʻyo olmos qirrasi kabi nur sochib, jilolanib turadi. Ushbu asarda ham ana shunday maʼnaviyat sohibasi Xonzoda begimning hayot yoʻli aks etgan. U inisi Mirzo Boburni Samarqandda qamalda qolganida Shayboniyxon changalidan qutqaradi, yaʼni oʻzi sevmagan insonga Mirzo Boburning hayoti va ulugʻ istiqbolini saqlab qolish maqsadida turmushga chiqadi. Agar Xonzoda begim oʻzini fido qilmaganda, endigina 19 yoshga kirib, bir-ikkita baytlar ijod qilib yurgan Bobur raqibi tomonidan yanchilgan, temuriy avlodlardan boburiylar sulolasi Hindistonda 330 yilga yaqin umr koʻrmagan, yer yuzidan nomi oʻchib ketgan boʻlardi. Adiba ushbu voqeaga daxldor manzaralarni ishonarli tarzda tasvirlagan. Oʻylaymizki, ushbu asar oʻz muxlislarini topadi va ularni befarq qoldirmaydi.