Shariat qonunlarini tartiblashda go‘zal san’atlar

Qur’oni karim ma’nolarini ilk marta asliyatdan o‘zbek tiliga tarjima qilib xalqimizga taqdim etgan Shayx Alouddin Mansur tomonidan tarjima va sharh qilinayotgan ushbu kitob buyuk vatandoshimiz Alouddin Kosoniy tasnif etgan hanafiya mazhabiga oid asarlar ichida eng mufassal, mukammal va boshqa mazhab egalari ham tan oladigan, dalil-hujjati mustahkam, mo‘tabar manba hisoblanmish “Badoe’us sanoe’...” (“Shariat qonunini tartiblashda go‘zal san’atlar”) asarining birinchi jildidir. Har qanday yaxshilikning asosida turuvchi poklikka, xususan, ibodatning avvali bo‘lmish tahorat mavzusiga bag‘ishlangan bu kitob ma’rifatga tashna xalqimizga ham moddiy, ham ma’naviy poklanish yo‘lida dasturi amal bo‘ladi, degan umiddamiz.