Shimol shamoli shashti

Avstriyalik mashhur adib va jurnalist Daniel Glattauerning «Shimol shamoli shashti» romani dastlab 2006-yilda chop etilgan va kitobxonlar orasida qoʻlma-qoʻl oʻqilgan. Oʻtgan vaqt ichida roman nafaqat nemis tilida muloqot qiluvchi xalqlarning sevimli kitobiga aylandi, balki butun dunyoda keng ommalashdi. Buning sababini tilshunos Diter Vunderlix, yozuvchi ushbu asarida inson aql-zakovatining nechogʻlik chegara bilmas ekanini bemisl soʻz tanlash qobiliyati orqali namoyish eta oldi, deya izohlaydi. Bir soʻz bilan aytganda, «Shimol shamoli shashti» — sehrli maktublar guldastasidir. Ishonchimiz komilki, aziz kitobxon romanni mutolaa qilish davomida bu asar muhabbatning ilohiy tuygʻu ekanini anglash uchun eng yaxshi vositaligini tushunadi.