SHOHRUH VA GAVHARSHOD

Temuriylar sulolasini yuksaltirishda Sohibqironning sadoqatli oʻgʻli Shohruh Mirzo.qanday fidoyilik va donolik bilan faoliyat koʻr-satgani ushbu romanning markaziy mavzularidandir. Ulkan saltanatni parchalanib ketish xatarlaridan saqlab qolishda Shohruh Mirzoga su-yukli umr yoʻldoshi Gavharshod begim va buyuk olim oʻgʻli Ulugʻbek Mirzo yaqindan yordam berganliklari romanda aniq tarixiy faktlar asosida tasvirlanadi. Dramatik voqealarga boy bu asarda ulugʻ shoir Alisher Navoiy va uning doʻsti Husayn Boyqaroning yoshlik davrlariga va tarixda yorqin iz qoldirgan oliyjanob ishlariga ham alohida oʻrin beriladi. Asarning ilk varianti “Ona lochin vidosi” nomi bilan chop etilgan va kitobxonlar tomonidan yaxshi kutib olingan edi. Romanning ushbu toʻldirilgan nashrida Xoqoni Said nomini olgan Shohruh Mirzo, uning buyuk oʻgʻli Ulugʻbek va donishmand umr yoʻldoshi Gavharshod be-gim ibratli bir oila sifatida Sohibqiron yaratgan ulugʻ saltanatni qirq yildan ortiq adolat bilan boshqarib, temuriylar sulolasining rivojiga ulkan hissa qoʻshganliklari muhtaram kitobxonlarda yorqin taassurot qoldiradi, degan umiddamiz.