SOLNOMA
Ushbu kitobda Oʻzbekiston Respublikasi Prezidenti Shavkat Mirziyoyevning 2016-yil sentabr oyidan 2021-yil 6-noyabrgacha boʻlgan davrdagi dastlabki besh yillik siyosiy faoliyati aks etgan. Mazkur salmoqli xronika, ayni paytda, davlatimizning ichki va tashqi siyosati, mamlakatimizda barcha sohalarda amalga oshirilayotgan izchil islohotlar va oʻzgarishlar bilan bogʻliq eng muhim tarixiy jarayonlarni – Yangi Oʻzbekistonning taraqqiyot solnomasini oʻzida mujassam etgani bilan ahamiyatlidir. Toʻplam Oʻzbekiston Respublikasi Prezidenti Administratsiyasining tegishli boʻlinmalari bilan hamkorlikda Prezident Spichrayterlari boʻlinmasi tomonidan nashrga tayyorlandi. Kitob boshqaruv sohasi xodimlari, Oʻzbekistonning eng yangi tarixi bilan qiziqadigan olimlar, siyosatshunos va sotsiologlar, ekspertlar, tadqiqotchi va talabalar, muxtasar aytganda, keng omma uchun moʻljallangan.