SOʻQMOQDAGI SOʻQIR SARGUZASHTI

Biz oʻtgan mingyilliklar davomida jahon sivilizatsiyasiga ulkan hissa qoʻshgan, uni oʻzgartira olgan xalqimiz. Madaniyat, sanʼat, axloq, falsafa, fan va adabiyot sohasida buyuk ajdodlarimiz qoldirgan ulkan meros hali-hamon dunyoning barcha rivojlangan mamlakatlari tomonidan eʼtirof etilib, oʻrganib kelinadi. Imom al-Buxoriy, Imom at-Termiziy, Burhoniddin Margʻiloniy, Ahmad Fargʻoniy, Muso al-Xorazmiy, Abu Rayhon Beruniy, Abu Ali ibn Sino, Abu Nasr Forobiy, Bahouddin Naqshband, Abullays Samarqandiy, Yusuf Xos Hojib, Ahmad Yugnakiya, Mahmud Koshgʻariy, Ahmad Yassaviy, Alisher Navoiy, Zahiriddin Muhammad Bobur, Boborahim Mashrab singari yuzlab ajdodlarimiz borki, biz ularni hech ikkilanmasdan jahon miqyosidagi mutafakkirlar deyishga haqlimiz. Ammo bugungi avlod ularning buyuk shaxsiyati, tarixi, jahonshumul shon-shurahrati bilanigina cheklanib qolmasligi lozim. Ajdodlarning madaniy, maʼrifiy, ilmiy, ijtimoiy, adabiy faoliyati, hayot tarziga doimo hushyor nigoh va ibrat koʻzi bilan qarashimiz maqsadga muvofiq. Tarixiy manbalarni sinchiklab oʻrganadigan boʻlsak, mutafakkir ajdodlarimiz jahon madaniyati, ilmiy va badiiy tafakkuri bilan doimiy tarzda hamqadam, hamsafas boʻlib kelganlar. Jahonda roʻy berayotgan birorta madaniy-intellektual oʻzgarish, biror badiiy tafakkur namunasi bobolarimiz nazardan chetda qolmagan. Ajdodlarimiz ularni oʻqib, uqi-shar ekan, oʻz milliy madaniyatlarini rivojlantirish, jahon xalqlaridan ortda qolmaslikni maqsad qilganlar. Koʻp xlab xorijiy tillarni bilganlari, xorij mutafakkirlari yozgan asarlarini tarjima qilganlari bu oʻrinda qoʻl kelgan. Eng muhimi, xorij madaniyati, badiiy-ilmiy tafakkuri namunalariga nis-batan shaxsiy xoʻxtamlari, xulosalari va tanqidiy nuqtayi nazarlari boʻlgan. Bugun biz, mamlakatimiz Prezidenti kitobxonlik madaniyatini tako-millashtirishni davlat siyosati darajasiga koʻtargan bir paytda, oʻtmishda yashab oʻtgan buyuk ajdodlarimiz anʼanasini izchil davom ettirishimiz, jahon madaniyati, sanʼati, adabiyoti namunalari bilan izchil va izzili tarzda tanishib borishimiz zarur. Xalqimiz ijtimoiy-madaniy hayotidagi mana shunday ulkan ehti-yojni nazarda tutib „Ziyo nashr“ nashriyoti bir xayrli ishga qoʻl urishga bel bogʻladi. Yaʼni joriy yildan eʼtiboran jahon nasri namunalarining yuz jildligini chop etishga kirishdi.