SUKUT SUIQASDI

Suiqasd deganda biz bir kishining boshqa birovning joniga qilgan jabrini tushunamiz. Biroq bir insonning insonlik sha'n-sharafi, hurmat-e'tibori, haq-huquqi, qadr-qimmati va mol-u joniga tajovuz etilganda loqaydlarcha befarq qarab turmoq yoki ana shu tajovuzchilarni qo'llab-quvvatlamoq, haq-u haqiqat, adli-adolat toptalganda lom-mim demay turmoq sukut suiqasdidir. Siz ushbu bitikda odam atalmish yaratiqning shoh-u gado, bo'lmasin, mukammallikdan yiroqligi, tug'ilish va o'lim orasidagi hayot, umr degan bir necha qadamdan iborat masofada o'zini bunchalik o't-u cho'qqa urishining mohiyat-u falsafasini muallif-la barobar mushohada etasiz.