Tergovchi

Komil Sindarov – oʻquvchilarga dastlab shoir sifatida tanidgan muallifni bugun oʻzbek kitobxonlari yaxshigina detektiv ustasi sifatida bilishadi. «Qimmatga tushgan xato», «Temuriylar qutubxonasining siri» (oʻzbek va rus tillarida), «Amirlikning oltin taxti izidan» kitoblari oʻtgan yillar mobaynida «Oʻzbek detektivi» ruknida chop etilib, keng kitobxonlar ommasida iliq qarshi olingan. Mazkur yangi kitob – «Dorixonadagi qotillik» ham detektiv janrida boʻlib, hayotiy haqiqatlarni oq va qora ranglarda yaqqol tasvirlaydi. Sindarov qahramonlarini yaxshi yomon, deb ajratmaydi, oʻquvchi mutolaa jarayonida fikrlaydi, mulohaza qiladi, atrofida sodir boʻlayotgan voqealarni jonli tasvirlarda koʻradi va nihoyada, oʻzi xulosa qiladi. Muallifning kasbiy faoliyatda bevosita roʻbaroʻ boʻlgan jinoyat tafsilotlari detektiv ixlosmandlari uchun ajoyib mavzu va yekimli mutolaa boʻlishiga ishonamiz. Darvoqe, «Tergovchi» degan umumiy nom ostida nashrga tayyorlangan mazkur detektiv seriya yozuvchi ijodining oʻnta kitobini oʻz ichiga oladi.