Tirilish

«Tirilish» – ulugʻ mutafakkir adib Lev Tolstoyning eng «fosh qiluvchi» romanlaridan biridir. Asarda bosh qahramonlarning achchiq qismati misolida muallif nafaqat jamiyatdagi yolgʻon va qallobliklarni, qolaversa, inson ongi va qalbining eng quyi burchidagi yashirin sirlarini ochib tashlaydi. Lev Tolstoy inson ruhining beqiyos ulugʻvorligi, vijdon amri va rahmdillik kishi tarbiyasida juda katta ahamiyatga ega ekanini koʻrsatadi. Uning ushbu asari ham, sevimli adibimiz Abdulla Qahhor taʼbiri bilan aytganda, «tarvuz yoki patrakaning oʻtiga oʻxshab lovullab yonib, bir zumda oʻchmaydi, balki saksovulning choʻgʻiga oʻxshab tutab, sust yonadi, lekin harorati zoʻr boʻladi, ancha fursat oʻchmay turadi».