TUNISNING TOTLI TAASSUROTLARI

Turkum safar qissalarining mazkur jildi koʻhna Karfagen hosilasi Tunisga bagʻishlanadi. Tarixga qiziquvchi muallif bu galgi safar taassurotlarini buyuk sarkarda Gannibalning shonli kechmishi, qadim imperiyaning toʻqnashuvi hamda oʻtmishga aloqador qiziqarli hodisotlar, hozirgi kungacha saqlanib qolgan qadim obidalar tavsifi, mahalliy doʻstlar davrasidagi suhbatlar bilan omixta tasvirlaganki, asar mutolaasi siz – oʻquvchi uchun zavqli boʻlishi tayin.