Tushunaman, ammo so’zlasha olmayman

Mr. and Mrs.Brown bu romanni o'qiganda jahllari chiqardi! Chunki chet tilini o'rganish haqidagi butun stereotiplar bu roman orqali puchga chiqadi. Bir sayyoh kelib, manzil so'ragan paytda mashina chiroqlarini ko'rgan quyondek qotib qolib, keyin esa “Go, go, go, right” deb javob berishni istamaydiganlar... Iste'mol qilgandan keyin chet tilida shartta-shartta gapirtirib tashlaydigan tabletkalar ishlab chiqarilishini kutayotganlar. Yillar davomida ingliz tili darslariga qatnashib ham muloqot qila olmaganlar bu kitobni yoqtirib qoladilar! Asar bosh qahramonining o'rta maktabdan universitetgacha bo'lgan davrda boshidan kechirgan kulgili va qiziqarli ingliz tilini o'rganish sarguzashtlari o'quvchini o'ziga mahliyo etadi. Maktab o'quvchisi bo'lmish bosh qahramonimizning o'z vaqtida ingliz tilini o'rganmagani sababli hayotda turfa kulgili vaziyatlarga tushib qolishi haqidagi voqeliklar o'quvchini hushyorlikka chorlaydi. Bir so'z bilan aytganda, g'ayrioddiy, foydali va qiziqarli roman.