Tuygʻular psixologiyasi

Har qanday toʻsiqlarga qaramay ilgarilay olish, muammolardan yoʻqotishlar bilan emas, kuch-quvvatga toʻlib magʻrur chiqishni uddalash jasoratmi yoki zaruriy xususiyatmi? Qoʻyingki, biz shunday boʻla olamizmi? Olamshumul natijalarga erishgan kuchli insonlar haqida eshitganmiz, ularning hayoti haqida hayajonga, hayratga toʻlib oʻqiganmiz. Va ularga gi bir xususiyatga qoyil qolmay iloj yoʻq. Yaʼni bunday insonlar qoʻlga kiritgan yutuqlaridan magʻrurlanib ketishmagan, boshiga tushgan ne-ne mashaqqatlarga aza ochib boʻyin egishmagan. Bu, albatta, kuchli iroda sohiblarining xos fazilati, hissiy intellektning eng yuksak namunasidir. Dunyo neʼmatlari bisyor. Ammo bugun kamchiligi yoʻq insonlar ham ilgarigi odamlardek baxt hissini tuymay qoʻydi. Qoʻlingizdagi mazkur qoʻllanmada kishilardagi his-tuygʻularni tarbiyalashga eʼtiborsizlik qanday salbiy oqibatlarga olib kelishi tahlil qilinadi. Muallif hissiy intellektni qayta tiklangan anʼanalar va tark etilgan qadriyatlar bilan uygʻunlashtirgan holda doimiyligini taʼminlashga eʼtibor qaratadi.