UCH QALB

Siz o‘qishga hozirlangan “Uch qalb” romani muallifi Jek Londonning hayoti ham xuddi romanlaridagidek kechgan edi. U hayotiy yorqin taassurotlaridan o‘z asarlari uchun syujet ham chiza olgan. Jek zavod ishchisi, oltin qazuvchi va hattoki qaroqchining hayoti qanday ekanligini o‘z ko‘zi bilan ko‘rgan edi va “sarguzashtlar”ga bo‘lgan ishtiyoqini asarlaridan ham yaqqol sezish mumkin. Jek juda erta inson qalbining tubiga kirib borish va boshqalarning harakatlarini tushunish qobiliyatini namoyon etgan ijodkorlardan ekani bejiz emas. Yozuvchining so‘nggi romani - “Uch qalb”da o‘quvchilar xazina izlovchilar Frensis va Genri Morganning sarguzashtlari hamda ularning go‘zal Leonsiyaga bo‘lgan sevgisi va uning o‘zaro xis-tuyg‘ulariga guvoh bo‘ladi. Biroq, ular kechirgan xis va ehtiroslarning paydo bo‘lishi qahramonlarning ochiq va samimiy tabiatini o‘zgartirmaydi. Chunki ularning muhabbati xiyla-nayranglarga yot va xiyonat qilishga qodir emas.