Ular o'nta edi

Agata Kristi nomini alohida tanishtirishga hojat yoʻq. Adabiyot ahli tomonidan haqli ravishda detektiv janrining yetakchilaridan biri sifatida tan olingan. Uning mazkur asarida ham kitobxon sirli va qiziqarli olamga sayohat qilishi muqarrar. Muallifning oʻzi aynan shu asarini eng yaxshisi deya e'tirof etgani ham bejiz emas. Ushbu asarda bir-biriga hech qanday aloqador boʻlmagan oʻnta odam xilvat oroldagi uyga keladi. Sirli taklifnoma bilan ularni bu yerga kim chaqirdi? Yashirin detektiv ixtisosmandlarining yuragi darrov shuv etib ketadigan manzara. Dunyodan ajrab qolgan boʻm-boʻsh orol, koʻp xonali, zimiston yoʻlakli katta sirli uy va gʻajillar orolining sohibi taklifiga koʻra uyga kelgan oʻnta mutlaqo notanish, bir-biriga oʻxshamagan oʻnta odam. Bu yerda ularni qulay shart-sharoitlar, mazali taom va shinam yotoqxonalar kutib turibdi. Lekin havas qilgudek mehmondoʻstlik tez orada sarobga aylanib, mehmonlar savdoyi qotil qurgan tuzoqqa tushib qolgani maʼlum boʻladi. Ular orolning toshloq zaminiga qadam qoʻygan zahoti tuzoq yopilgan. Oroldan qochishning iloji yoʻq. Barchani shubha-gumon chulgʻab olgan. Chehralarda ajal soyasi. Qoʻrquv va dahshat. Faqatgina bolalar sanoq sheʼri va mitti negr bolalari tugashi bilan bu dahshatli oʻyinga ham xotima yasaladi. Biroq nega? Ularni birin-ketin eng gʻayrioddiy yoʻllar bilan oʻldirish kimga kerak? Nima uchun sodir boʻlayotgan voqealarning bari quvnoq bolalar sheʼri bilan chambarchas bogʻliq? Nahotki bu jumboqning yechimi topilmasa, nahotki hammasi oʻlimga mahkum boʻlsa? Lekin nima uchun? Ular rostdan ham aybdormi?