Urush san’ati

Qadimgi Xitoyning atoqli qo‘mondoni Sun Zi qalamiga mansub “Urush san’ati” risolasi miloddan oldingi V asrda yozilgan. Unda harbiy harakatlarni olib borish bo‘yicha asosiy tavsiyalar keltirilgan. Yozilganidan ikki ming yildan oshiq vaqt o‘tgan bo‘lsa-da, mazkur asar hamon ahamiyatini yo‘qotmagan. Xususan, u AQSH dengiz piyoda qo‘shinlari va harbiy razvedkasida o‘qishga tavsiya etilgan kitoblar ro‘yxatiga kiradi. Ammo “Urush san’ati”ning dolzarbligi harbiy soha bilan cheklanmaydi. Sun Zi yozgan asar siyosatchi, huquqshunos, tadbirkor va sportchilar uchun ham foydalidir.