VAFODOR

Bu kitob boshqa barcha asarlardan bir jihati bilan keskin farq qiladi: u odatdagidek qalamda emas, balki ignada yozilgan. Badiiy ijodkorlikning oʻziga xos mashaqqatlarini nazarda tutsak, asar muallifi, Ikkinchi jahon urushining qatnashchisi Vali Gʻafurov chindan ham zoʻr matonat koʻrsatib, igna bilan quduq qazigan, deyishga majburmiz. Kitobda oʻzbek yigiti Rustam Shokirovning fashist bosqinchilariga qarshi janglardagi qahramonligi, uning tasodifan koʻzdan ajrab qolishi, shundan soʻng hayotdan oʻz oʻrnini qanday topa olganligi, Rustamning vafodor yori Muhabbatning olijanobligi, Fozil bilan rus qizi Katyanaing pok sevgisi haqida qiziqarli hikoya qilinadi. Kitob Oʻzbekiston Yozuvchilar uyushmasi «Ijod» jamoat fondi homiyligida chop etildi.