Xo'mraygan bolakay va uni hayratga sololmagan g'ayrioddiy hodisalar

Mert ham, aslida, oddiy bolalar kabi bo‘lishni istardi. Ammo, o‘ylashimcha, tug‘ilayotganida nimadir yuz bergan. Boshqa aka-ukalardan farqli tomoni uning xo‘mraygan yuzi edi, qolaversa, hamma narsadan qo‘rqardi! Biroq bular u qadar farq qiladigan jihatlar emas, do‘stim. Sen nima deb o‘ylaysan? Kim ham qo‘rqmaydi deysan, ko‘ylagining tugmasi uzilib, og‘ziga kirib ketishi va bir soniyada ovqati bo‘g‘zida qolishidan? «Guvullovchi o‘rmon»! Nomi qadar qo‘rqinchli bir joy. Ichiga kirish u yoqda tursin, atrofiga yaqinlashishga jur'at etolmaydigan o‘rmon... Bir kuni Mert akasi Zekining yarim tunda uyqusragancha o‘rmonga kirib ketayotganini ko‘rdi. Shu onda qo‘rqinchli bir hodisaga duch keldi... Tabiiyki, sen uchun qo‘rqinchli, ammo Mert bunday narsalardan qo‘rqmaydi. O‘sha dahshatli narsa nima ekan deysanmi? Yo‘q, yo‘q, endi kitobni varaqlash vaqti keldi. Bo‘o‘o‘o‘o‘! Hazil, hazil, qani, bo‘laqol... Dahshatli sarguzashtlar seni kutmoqda!