Yonayotgan dala

Oʻzbekiston xalq shoiri Jamol Kamol «Saylanma»sining ushbu ikkinchi jildiga uning oʻtgan asr saksoninchi yillar oxirlaridan joriy asrning dastlabki oʻn yili oraligʻida yaratilgan eng sara sheʼrlari, gʻazallari, muxammas va ruboiylari kiritildi. Jahon adabiyotidan qilingan tarjimalardan ayrim namunalar ilova etildi. Shuningdek, shoirning sheʼrxonlar orasida shuhrat va eʼtibor qozongan «Varahsha», «Rajab Ashurov dostoni», «Hasan va oy» hamda aruzda bitilgan «Shahribonu» dostonlari ham hukmingizga havola etilmoqda. Kitobga xotima oʻrnida berilgan «Haqiqat, men seni sevdim» manzumasida shoir oʻzi umr boʻyi talpinib yashagan eng buyuk ezgulik – Haq va haqiqatga tashnaligi, sevgi, sadoqati haqida soʻzlaydi.