YOSH RAHBAR

Har bir yosh kelajakda zamonaviy rahbar boʻlishni orzu qiladi. Bunga esa yoshlikda toʻplangan bilim, koʻnikma va tajriba evaziga erishiladi. Oʻzining bilimi, iqtidori va zukkoligi bilan insoniyat taraqqiyotiga ulkan hissa qoʻshgan hamda tarix zarvaraqlariga kirgan buyuk rahbarlar haqida kitoblarda koʻp oʻqiganmiz. Bugungi globallashuv jarayoni, yangilanish va oʻzgarishlarga boy davrda «universal» rahbarlarga talab oshmoqda. Universallikda ijtimoiy hayotning barcha sohalari boʻyicha maʼlumot va axborotga ega boʻlish muhim jihatdir. Ushbu ensiklopedik toʻplamga yosh rahbarlar faoliyati davomida duch kelishi mumkin boʻlgan barcha sohalarga oid eng faol tushunchalar jamlangan. Toʻplamni tayyorlashda ishonchli manbalar – «Oʻzbekiston milliy ensiklopediyasi», «Oʻzbek tilining izohli lugʻati», «Islom ensiklopediyasi»dan foydalanilgan.