YULDUZ KOʻKDA SOʻNADI

Taniqli yozuvchi Soyim Isʼhoqning “Yulduz koʻkda soʻnadi” qissasida Ikkinchi jahon urushi davri voqealari qalamga olingan. Asarga bosh qahramon Tirqash magʻrur feʼlli, oʻziga yarasha qaysar, oʻzi haqiqat deb bilganini baralla ayta oladigan, himoya qiladigan odam. Tirqash hayotidagi, taqdiri chizigʻidagi voqealarning murakkabligi, qarama-qarshi hodisalarning shiddat bilan oʻrin almashishi har qanday kitobxon qalbini larzaga soladi. Asardagi obrazlar ruhiyatini ochib berishda, iztiroblar, evrilishlar tasvirida adib juda ishonarli va jonli boʻyoqlardan foydalanganki, mutolaa jarayoni oʻquvchilarni bir zum ham loqayd qildirmaydi, zeriktirmaydi. Muhimi, mahoratli adib Soyim Isʼhoq ayni kuch-quvvatga toʻlgan paytlarida yaratgan mazkur asar bizni teran fikrlashga chorlaydi, har bir qadamimizni oʻylab bosmogʻimiz kerakligini oʻqtiradi. Mazkur kitobga adibning “Osmon ustuni” qissasi ham kiritildi.