Daholar ham xato qiladi
🍏 Mashhur fizik olim, tortishish qonuni kashfiyotchisi Isaak Nyuton buyuk olimligidan tashqari, moliya bozoridagi eng mashhur “omadsiz” investorlardan biri hamdir.
📈 Gap shundaki, 1720-yili Angliyada “Janubiy dengizlar kompaniyasi” (South Sea Company) aksiyalari atrofida ulkan iqtisodiy “pufak” hosil bo‘ladi. Hamma boyib ketish ilinjida aksiyalarni sotib ola boshlaydi.
📊 Nyuton dastlab aqlli yo‘l tutib, aksiyalarni vaqtliroq sotib oladi va 7 000 funt foyda ko‘radi. Biroq, aksiyalar narxi o‘sishda davom etavergach, olim “FOMO”(imkoniyatni boy berish qo‘rquvi) hissiga beriladi.
🎛 Narxlar eng cho‘qqisiga chiqqanda, olim bor-budini (qariyb 20 000 funt — bugungi pulda taxminan 5 mln dollar) tikib, aksiyalarni qayta sotib oladi. Ko‘p o‘tmay “pufak” yoriladi va u deyarli barcha jamg‘armasidan mahrum bo‘ladi.
⭐️ Nyutonning quyidagi mashhur iqtibosi aynan oʻsha omadsizlikdan keyingi pushaymon mevasi:
“Men osmon jismlari harakatini hisoblay olaman, ammo insonlar telbaligini emas!”
📊 Demak, moliya bozorida yuksak intellekt har doim ham muvaffaqiyat garovi bo‘la olmaydi. Ba’zan daholar ham xatoga yoʻl qoʻyar ekan.
💬 Ishqilib, siz ham “hamma olyapti-ku, men ham qatordan qolmay” deb shoshilinch qarorlar qilmaganmisiz?
