Nega PIN-kod 4 raqamdan iborat? Bunga Karolina “aybdor”!
📅 1960-yillar. Ajoyib kunlarning birida ixtirochi Jon Sheferd-Barronni bir savol qiynaydi: “Nega avtomat doʻkondan shokolad olish mumkin-u, naqd pul olib boʻlmaydi?”
😀 Shunday qilib, unda bankomatni yaratish gʻoyasi paydo boʻldi! Jon gʻoya ustida uzoq ishladi, har bir detalni aniq hisob-kitob qildi.
📄 Unga koʻra, qogʻoz chekni (hali plastik kartalar ixtiro qilinmagandi) bankomatga solib, pul olish uchun 6 raqamli PIN-kodni terish shart edi.
6️⃣ Nega aynan 6 raqamli? Chunki Jon armiya faxriysi boʻlib, oltita sondan iborat xizmat raqamini hali ham eslay olardi. Qolganlarning ham xotirasi kuchli deb oʻylagan shekilli.
👤 Jon bu gʻoyani xotini Karolinada sinab koʻradi. Biroq xotini “oltita raqamni chalkashtirmay aytish qiyin, shuni toʻrtta qilsang, zap ish boʻlardi-da” deydi.
🔁 Karolinaning gapiga kirib, Jon butun tizimni 4 xonali kodga moslab qayta ishlaydi. Nihoyat 1967-yilda Londondagi Barkleys bankida dunyodagi birinchi ATM (bankomat) ochiladi.
💰 Keyingi gal PIN-kodingizni terayotganda, sizni ortiqcha 2 ta raqamdan xalos qilgani uchun Karolina Sheferd-Barronni eslab qoʻying!
