Ssuda va subsidiyaning farqi nimada?
🔅 Yozilishi chalgʻitadigan atamalarni farqlashda anchagina tajriba toʻpladik. Keling, endi funksional jihatdan bir-biriga yaqin atamalarga yuzlanamiz.
✅ Demak, bugun ssuda va subsiyada oʻrtasidagi farqni tahlil qilamiz. Buning uchun, avvalo, atamalar ma’nosini bilib olish zarur:
Ssuda — qarz berish yoki vaqtinchalik moliyaviy yordam koʻrsatish ma’nosini anglatadi. Ssuda bank va davlat tomonidan berilishi mumkin.Subsidiya — davlat yoki boshqa tashkilotlar tomonidan muayyan shaxslarga, korxona yoki iqtisodiy sohalarga yordam koʻrsatish uchun ajratilgan mablagʻ.
⚫️Masalan, siz uy olishni maqsad qildingiz. Ma’lum kategoriyalarga mos kelsangiz, boshlangʻich toʻlovni davlat toʻlab beradi. Bu subsidiya boʻlib, uni qaytarishingiz shart emas.
⚫️Ish joyingizdan bir yillik oylik maoshingizni oldindan olsangiz yoki moliya tashkilotlaridan qisqa muddatga past foizli qarz olsangiz, bu — ssuda hisoblanadi.
✔️ Asosiy farq shundaki, ssuda bu — imtiyozli qarz, uni qaytarishga yoki kompensatsiya qilishga majbursiz. Subsidiya esa — sizga begʻaraz ijtimoiy yordam, bunda siz qarzdor hisoblanmaysiz.
P.S. Ruknimiz davomida yana qaysi atamalarni qiyoslab koʻrishimizni istaysiz? Izohlarda javobingizni qoldiring!
