Tuzning oyga nima daxli bor?
🔅 Bir qarashda bu ikki tushuncha bir-biriga umuman aloqadorga oʻxshamaydi. Ammo ikkovi ham iqtisodda etimologik ahamiyatga ega.
✅ Ingliz tilida oylik maoshni ifodalovchi “salary” aslida lotinchadagi “sal” — “tuz” soʻzidan olingan. Qadimgi Rimda askarlarga tuz xarid qilishi uchun maxsus nafaqa — “Salarium” toʻlangan.
📎 Tilimizga fors-tojikchadan kirib kelgan “moyana”ning ildizi esa “moh” — “oy” soʻziga borib taqaladi. Bu atama toʻlovning davriyligini, oyda bir marta berilishini anglatgan.
📍 Ya’ni dunyoning bir burchagida mehnatga haq toʻlash qiymatli ziravorga, boshqa burchida esa davriylikka asoslangan.
🎤 Ikkovining ham bugungi muqobili — oylik. Xoʻsh, siz oyligingizni oldingizmi?
