“Yanvar effekti” yoxud nega aksiyalar yanvarda qimmatlashadi?
↗️ Moliya olamida qiziq bir fenomen bor: yilning birinchi oyida aksiyalar narxi, ayniqsa kichik kompaniyalarniki, kutilmaganda koʻtariladi. Bu “Yanvar effekti” deb ataladi.
📆 Uni 1942-yilda investitsiya bankiri Sidni Uochtel kashf qilgan.
❓ Xoʻsh, oʻzi nega bunday boʻladi? Bunga turli sabablarni keltirish mumkin, masalan:
☑️Soliq optimallashuvi: Investorlar dekabrda zarardagi aksiyalarni sotib, soliqni kamaytiradi. Yanvarda esa oʻsha pulga yangi aksiya oladi.
☑️Bonuslar: Yil yakuni mukofotlari aynan shu oyda bozorga kirib keladi. ☑️Psixologiya: Yangi yil — yangi investitsiyalar va yangi rejalar boshlanishi.
🕯 Bugungi kunda bu effekt texnologiyalar va bozor samaradorligi tufayli biroz kuchsizlangan boʻlsa-da, hamon moliya tarixidagi eng mashhur anomaliyalardan biri hisoblanadi.
💬 Aytgancha, siz yanvar oyida biror aksiyaga sarmoya kiritishni rejalashtiryapsizmi?
