Bank va Ma’rifat forumi Moliyaviy ong va kitobxonlik sari yangi qadam
Moliyaviy savodxonlikni oshirish, kitobxonlik madaniyatini rivojlantirish va banklar hamda nashriyotlar o‘rtasida hamkorlikni kuchaytirishga bag‘ishlangan xalqaro forum
Bank va Ma’rifat Forumi — Markaziy bank tashabbusi bilan tashkil etilgan, moliyaviy savodxonlikni oshirish va ma’rifatni qo‘llab-quvvatlashga qaratilgan xalqaro maydon. Tadbir davomida tijorat banklari, nashriyotlar, mutaxassislar va yoshlar bir joyda to‘planib, zamonaviy moliyaviy bilimlar, innovatsiyalar va ta’lim bo‘yicha fikr-mulohazalar almashadilar.
Forum doirasida
* banklar va nashriyotlar o‘rtasida hamkorlik memorandumlari imzolanadi
* mahalla kutubxonalarini rivojlantirish bo‘yicha tashabbuslar ilgari suriladi
* moliyaviy savodxonlik bo‘yicha treninglar, uchrashuvlar va yangi loyihalar taqdim etiladi
* yoshlar uchun moliyaviy bilimga kirishni kengaytirishga qaratilgan kitoblar va o‘quv materiallari taqdim qilinadi
Forumning asosiy maqsadi — “Bilimli jamiyat bilan qudratli iqtisodiyot sari” tamoyili asosida jamiyatning moliyaviy madaniyatini oshirish, innovatsion fikrni rivojlantirish va ijtimoiy hamkorlikni mustahkamlashdir.