Loyiha haqida

O'zbekiston Respublikasi Markaziy banki tashabbusi bilan iqtisodiyot, moliya, bank va tadbirkorlik sohalariga oid eng muhim nashrlarni o'zbek tiliga tarjima qilishga qaratilgan "Moliyaviy bilimlar" loyihasi yo'lga qo'yildi. Ushbu loyiha aholining moliyaviy savodxonligini oshirish, zamonaviy iqtisodiy tushunchalar va amaliy moliyaviy ko'nikmalarni keng ommaga yetkazish, shuningdek, yoshlar va tadbirkorlar uchun eng nufuzli xalqaro adabiyotlarni o'z ona tilida o'qish imkoniyatini yaratishni maqsad qilgan.

Loyiha doirasida dunyoning yetakchi iqtisodchilar, moliya ekspertlari va biznes mutafakkirlarining kitoblari tarjima qilinib, keng jamoatchilikka taqdim etiladi. Bu esa moliyaviy barqarorlik, mas'uliyatli boshqaruv va to'g'ri investitsiya madaniyatini shakllantirishda muhim o'rin tutadi.