1984

XX asrning eng mashhur g‘ayrixayoliy romanlaridan biri – ingliz yozuvchisi Jorj Oruellning “1984” romani 1948 yilda yozilgan va “Molxona”da fosh etilgan “sotilgan inqilob” mavzusini davom ettiradi. Oruellning fikricha, ommaviy erksizlikdan ko‘ra mudhishroq narsa yo‘q va bo‘lmaydi ham. Totalitarizm insonda davomiy qo‘rquv, sukut va o‘limdan birini tanlash imkoniyatinigina qoldirib, uni barcha ruhiy ehtiyojlardan, fikrlardan, tuyg‘ularu aqldan mosuvo qiladi: Katta Og‘a senga “ikki karra ikki – besh” dedimi, tamom, u chindan ham “besh”!