ABADIYAT QONUNI

Nodar Dumbadze (1928-1984) qalamiga mansub ushbu romanda insonning hayotdagi oʻrni, undan talab etiladigan fidoyilik, halollik, vijdonlilik, adolatparvarlik xususiyatlari toʻgʻrisida keng mushohada yuritilgan. Adibning aksariyat asarlaridagi kabi ushbu asarida ham voqea, hodisalar insonlar taqdiri oʻzining oʻtkir dramatizmi bilan birga samimiy yumori bilan ham oʻquvchi yodida uzoq saqlanib qoladi. Bosh qahramon Bachana Ramishvili haqiqiy ma'nodagi sodda va samimiy yozuvchi obrazida tasvirlangan. U taʼmagirlarni va poraxoʻrlarni yomon koʻradi. Shuningdek, asarda mehr-oqibat, muhabbat, nafrat, shodlik, hayo va or-nomus tushunchalari oʻzaro uygʻun holatda tasvirlangan.