AJDAR QUSH

Jahonning boshqa xalqlari kabi oʻzbek xalqi ham oʻz ertaklariga boy. Oʻzbek xalq ertaklarida millatimizga xos rahm-shafqat, zukkolik, mehmondoʻstlik, rostgoʻylik, saxiylik kabi oʻnlab fazilatlar ustuvordir. Ertaklarimiz bolajonlarimizning pok koʻngliga toza suvdek shildirab kiradi, ular ongini musiqa yangligʻ chulgʻab oladi. Shu jihatdan qaralganda oʻzbek xalq ertaklarini maʼnolar xazinasiga oʻxshatish mumkin. „Ajdar qush“ nomli ertaklar kitobi ushbu xazinadan olingan bir hovuch hikmat majmuyidir. Oʻylaymizki, bu kitob bolalarning doimiy hamrohiga aylanadi, ularni ezgulik sari yetaklashga xizmat qiladi.