AKRAMNING SARGUZASHTLARI

Aksar taniqli yozuvchilarning ijodi oʻzining rang-barangligi bilan ajralib turadi. Ular turli janrlarda, zamonaviy va tarixiy mavzularda, bolalar va kattalar uchun, turli xil uslublarda (izchil realistik, romantik, fantastik, sarguzasht va boshqalar) ijod etadilar. Pirimqul Qodirov asarlari ham mana shu yoʻnalishdan mustasno emas. U uzoq yillar davomida izchil realistik uslubda ijod etdi va asosan, kattalar uchun asarlar yozdi. Taxminan, soʻnggi oʻn yillikda uning ijodida yangi qirralar koʻrinish bera boshladi. U kichik yoshdagi bolalarga bagʻishlangan bir qator asarlar eʼlon qildi, sarguzashtlar yoʻnalishidagi kitoblari bosilib chiqdi, hatto qissalaridan birini “Akramning sarguzashtlari” deb atadi. Bu qissani oʻqir ekansiz, beixtiyor bolalik davringizga sayohat qilasiz. Shuningdek, ushbu kitobdan adibning yana bir necha qissa va hikoyalri oʻrin olgan. Marhamat, zavq bilan oʻqing!