ALAMLI DUNYODA ALAMLI GULIM

Insoniyat yaralgandan buyon, insonga odam degan buyuk nom berilgandan beri so‘z yashab kelmoqda. Ona bolasini so‘z bilan chaqiradi. Bola ham onasiga so‘z bilan talpinadi. Atrofimizni o‘rab turgan borliqning mohiyati ham aslida so‘zlardan tarkib topgan. Dunyoda so‘zdan-da qudratli kuch yo‘q. Insonlarni komillikka eltgan ham, tubanlikka qulatgan ham so‘zdir. Bag‘ritoshlarni simobday eritgan, zolimni jahlidan tushirgan, dushmanni do‘st qilgan va yorning yuragiga ham kirib borgan so‘zdir. Aziz kitobxon, ushbu kitobda sevimli shoiringiz Sirojiddin Sayyidning qarib qirq yildan ortiq ijod namunasi SEVGI, MUHABBAT, SOG‘INCH va ARMON tuyg‘ularini tarannum etgan she'rlarini jamladik. Muhabbat haqida she'rlar sizga manzur bo‘lishiga ishonamiz...