ALKIMYOGAR

Insonning Yerdagi umri mobaynida amalga oshiradigan ishlari nimalardan iborat? O'z taqdirini yuzaga chiqarishga erishishi uchun ko'ngliga tukkan orzu-umidlarini amalga oshirishi insonqa eng zarur narsa nima? "Alkimyogar" romani mana shunday ko'lamli, mazmunan falsafiy, mohiyatan esa oddiy insoniy muammo haqida. Asar muallifi- hozirgi zamonning mashhur yozuvchisi braziliyalik Paulo Koelo. "Alkimyogar" Richard Baxning "Oqcharloq Jonatan" yoki "Sharpalar" asarlariga o'xshamaydi. Ekzyuperining "Kichkina Shahzoda"siga ham o'xshash tomonlari juda kam. Biroq negadir "Alkimyogar"ni o'qiganda beixtiyor o'sha rivoyat-qissalar yodga tushadi. Zotan, bu asar aynan hozirgi zamon kitobxonlari uchun yozilgan-dek va "Alkimyogar"ning turli davlatlar arboblari-yu, mashhur san'atkorlar hamda hozircha bir yuz o'n yetti mamlakatdagi millionlab adabiyot muxlislari tomonidan sevib o'qilishi shundan dalolatdir. "Bizning sayyoramizda bir buyuk haqiqat bor: agar siz chinman nimanidir orzu qilsangiz, unga albatta erishasiz. Zotan, bu orzu olam qalbida ham tug'iladi va ayni shuning o'zi sizning Yerda mavjudligingiz tasdig'idir", deb yozadi P. Koelo.