Amerika fojiasi

Aziz kitobxon! Birinchi kitob orqali siz asarning asosiy qahramonlari bilan tanishdingiz. Tabiiyki, ikkinchi kitob voqealarga, hayajonli fursatlarga yanada boy. Boylik ketidan quvgan, shunday hayotni umri davomida orzu qilgan, ammo bunday toʻkis hayotga mehnat va mashaqqatsiz erishishni orzu qilgan qahramonning bu xom xayoli uni mudhish jinoyatga yetaklaydi. Oʻquvchi oʻz qahramonining ruhiy holati bilan tanisharkan, bunday taqdirga aslida oʻzi emas, uni tarbiyalagan oilaviy muhit, uni tarbiyalagan jamiyat sababchi ekanligini tushunadi. Klayd Grifitsning elektr kursida qatl etilishi uning taqdiri bilan qanchalik bogʻliqligi, sevgi-muhabbat rishtasining bunday shafqatsiz hayot taʼsirida hech qanday ahamiyat kasb etmasligi, insoniy tuygʻular oʻrnini egallagan qabohat oʻquvchi qalbini larzaga soladi.