AMIR TEMUR CHAMANI

Sohibqiron Amir Temur davri tarixi Oʻzbekiston xalq yozuvchisi Muhammad Ali ijodida yetakchi oʻrinni egallaydi. Adib bu mavzudagi asarlarini jamlab kitob xoliga keltirdi. Undagi sheʼrlar, doston, hikoya, tarixiy romanlardan parchalar, Ulugʻbek Mirzo hayotiga bagʻishlangan dramatik asar hamda esse va publitsistik maqolalar Amir Temur va temuriylar davri haqida hikoya qiladi. Kitobni badiiy bezatishda qadimgi sharq miniatyuralaridan foydalanildi. Kitob Sohibqiron tavalludining 670 yilligiga bagʻishlanadi.