ANOMALIYA

"Anomaliya" – fransuz yozuvchisi Erve Le Tellye tomonidan postmodern uslubda yozilgan, detektiv va psixologik drama elementlarini birlashtirgan fantastik roman. Fransiyada bestsellerga aylanib, Gonkur mukofotiga sa-zovur boʻlgan va 40 dan ortiq tilga tarjima qilingan. Asarda zamonaviy insonlarning hayotidagi noaniqliklar va oʻz-oʻzini anglash jarayoniga urgʻu berilgan. Unda murakkab ijtimoiy va shaxsiy munosabatlar, insonning ichki kurashlari hamda jamiyatdagi anomaliyalar yorqin tasvirlangan. Shuningdek, iqtisodiy beqarorlik va muhojirlik muammolari yoritilgan. Ular qahramonlarning qaror va ichki kurashlarida aks etadi. Romanda anomaliya sababli qahramonlarning qadriyatlari va oʻziga ishonchi sinovdan oʻtadi. Har bir qahramon hayotidagi anomaliyalarni qabul qilish, ulardan saboq olish va oʻz yoʻlini topishga intiladi. Alqissa, "Anomaliya" romani hayot murakkabligi, inson ruhiyatining xilma-xilligi va kutilmagan hodisalarga qanday munosabatda boʻlish haqida oʻylashga undaydi.