ANVORUL-MANOSIK

Ushbu kitobda jamlangan fiqhiy masalalar haj tartib-qoidalari haqidagi e'timodli islom hukmlaridir, xususan, hazrati Imom A'zam mazhabining mo'tabar kitoblaridan saralangan va eng sahih dalil-hujjatlarga tayangan ishonchli fatvolardir. Bugungi kunda hajga bo'lgan talabning kuchliligi va muborak manzillarda yuzaga keladigan izdihom sababli, ehtimol, bu fatvolarning hammasiga ham to'liq amal qilishning imkoni bo'lmas. Lekin har turli sabablar ushbu asosli fatvolarni hayot sahifasidan o'chirishga asos bo'la olmaydi va mazkur masalalarning kitoblarda jamlanib, saqlanib turishi bugun va kelajak uchun foydadan xoli emas. Shuning uchun, zamon talablariga qarab, asos manbalarni qabul qilib bilish birga, ba'zi fiqhiy hukmlar yonga qisqa izohlar kiritib o'tish lozim topildi. Bu mo'tabar kitob O'zbekiston musulmonlari idorasining 70 yillik faoliyati davomida haj qonun-qoidalari haqida jamlangan tasniflarning eng zubdasidir.