Asr afsonalari

“Roman to‘rt satr she’r qabi bo‘lishi kerak”, deydi Robindranat Tagor. Alloma adibning fikrini dalillash uchun katta iste’dodli biror shoirning nasrini ko‘rish kifoya qiladi. She’rdagi taranglik, avj, sehr, mazmun nasrga shakligina o‘zgarib kiradi, xolos. Zukko kitobxonga tanikli shoir Eshqobil Shukurning so‘zi, ovozi, olam va odamni ko‘rish tarzi tanish va qadrdon. Uning nasriy asarlari, jumladan, ushbu “Asr afsonalari” kitobiga jamlangan qissalari, hikoyalari va badialari o‘qirmanni chin ma’noda afsonalar qa’riga tortadi, ezgu niyati bilan elitadi. Ushbu afsonalar hayot va xayol kesimlarida vujudga kelgan. Bezovta qalbning to‘lg‘oqlari, og‘riqli zarblari asosida, mahorat bilan maydonga kelgan ushbu nasr namunalari o‘quvchini zamonga tayyorlaydi, tarixga bog‘laydi.