Barhayot sevgi

Aziz o‘quvchi! Qo‘lingizga yetib borgan ushbu fantastik roman sizni chuqur o‘ylantirishga ishonchim komil. Bu romanni kunt bilan o‘qisangiz ko‘pdan beri sizni qiynab kelayotgan ko‘pgina savollarga javob topasiz. Ruh nima ekanligini tushunasiz. Buyuk insonlarning ruhlari siza qanday ijobiy ta’sir o‘tkazayotganiga ishonch hosil qilasiz. Odam Ato, Momo Havvo va Payg‘ambaralarimiz Muso, Dovud, Iyso, Muhammad (s.a.v.)lar ilohiy kitoblar: Tavrot, Zabur, Injil, Qur’on orqali butun dunyodagi insonlar taqdiriga o‘z hissalarini qo‘shib keldilar va dunyoda turg‘uncha yashadilar. Ularning safiga mutafakkirlar, buyuk avliyolar, shoiru yozuvchilar, adolatli rahbarlar (podsholar) va sarkardalar, yetuk olimlar va o‘zidan yaxshi nom qoldirgan insonlarni qo‘shish mumkin. Ularning ruhlari insoniyatga ming yillar davomida xizmat qilmoqda. Buyuk insonlarning ruhlari (bu mening fantaziyam) vafot etganlaridan so‘ng to‘g‘ridan to‘g‘ri “Arsh ul-A’lo”ga, ya’ni Alloh makonina yo‘l olganlar va umrbod insonlarni, avlodlarini to‘g‘ri yo‘lga boshlashga xizmat qilmoqdalar. Ayrim kitoblarda yozilishicha, hayotlik davrida bir-birini otashin muhabbat ila sevgan insonlarning ruhlarini Alloh mukofot tarzida yerga qayta yuborar ekan... Muallif ushbu fantastik romanda ana shunday sevgi haqida fikr yuritadi.