BIR ASR HIKOYATI

Bismillahir rohmanir rohiym. Mashoyixlar aytibdilarkim, otaning oʻz oʻgʻlini maqtashi odobdan ermas. Bu – kulol oʻzi yasagan moʻndini ogʻiz koʻpirtirib taʼriflaganday gap. Ammo farzand oʻz otasini, uning pand-nasihatlarini tez-tez eslab, ibratli fazilatlarini boshqalarga aytib turishi on chandon savob debmishlar. Bu yeroʻ oʻlaroq yuz yil umrguzaronlik qilgan padari buzrukvorimiz Usto Amin Nurulloboy oʻgʻlining pand-nasihatlari va gʻaroyib hikoyatlaridan iborat «Bir asr hikoyati» (Temirchidan qolgan tillolar) dastlab «Tafakkur» jurnalida, 1995 yilda «Oʻzbekiston» nashriyotida alohida kitob shaklida nashr qilingan va oʻsha yili oʻzmatubotqoʻmining «Istiqlol: yangi zamon — yangi qahramon» koʻrik tanlovida eng yaxshi asarlardan biri sifatida baholangan edi. Hazrat Bahouddin Naqshbandiy tariqatlarida aytilganidek, «Dil ba yoru dast ba kor» aqidasiga amal qilgan Usto Amin umr boʻyi temirchilik va toat-ibodat bilan mashgʻul boʻlganlar. Inqilob arafasidagi talatoʻplar bois savod chiqara olmay qolgan boʻlsalar-da, quvvai hofizalarining zoʻrligi, Buxoroi sharifning keyingi asrda yashagan din-peshvolari davrvsida koʻp suhbatlarda boʻlganliklari tu