Bir kunlik baxt

1911 yilda Qohirada amaldorlar oilasida dunyoga kelgan Nagib Mahfuz Qohira Davlat Universitetining falsafa fakultetini tamomlagan. Uning «Ibtido va intiho», «Muddad quchasi», «O'g'ri va it», «Yomg'ir ostidagi sevgi», «Yo'l», «Bechora» kabi asarlarini hozirgiracha kitobxonlar sevib mutolaa qilishadi. 1988 yili «Bashariyat uchun ahamiyatli bo'lgan arab hikoyachiligining haqqoniyligi va rang-barangligini ko'rsatib bergani uchun» adibga adabiyot sohasida Nobel mukofoti beriladi. Nagib Mahfuz o'z hikoyalarida shunday insonlar-ni tasvirlaydiki, ular oddiy kasb egalari, garchi kirakash yoxud kambag'al oila farzandi bo'lsalar-da, qahramonlarni qiynayotgan savollar-u jumboqlar o'quvchini-da o'yiga toldiradi, bosib o'tgan umr yo'liga yig'irib qarashga majbur etadi. Kulgi, fojialar ila boyitilgan hikoyalar, shubhasiz, chuqur falsafa bilan ham sug'orilgan. Bizdan talab qilinadigan narsa esa ularni o'qish va uqishdir.