BOLALARIMIZ BILAN TORTISHMAYLIK

Bolalar tugʻiladi, katta boʻladi va muloqotga kirisha boshlaydi. «Tishimni yuvmayman», «Xonamni yigʻishtirmayman», «Bir oʻzim uxlamayman», «Bu ovqatni yemayman», «Maktabga bormayman», deb harxasha qiladi. Xoʻsh, ota-onalar bunday vaziyatlarda qanday choralar koʻrishlari mumkin? «Baqirmaydigan onalar» kitobi muallifi Hadicha Kubro Tongar mazkur asarda 0 dan 18 yoshgacha boʻlgan bolalarning tez-tez takrorlaydigan ana shunday eʼtirozlariga yechim uchun samarali takliflarni ilgari suradi. Ularni amalda qoʻllar ekansiz, oiladagi muammolar oʻz oʻrnini huzur va sukunatga boʻshatishga majbur boʻladi. Demak, bolalarimiz bilan tortishmaylik, muloqot oʻrnataylik! Chunki insonlar suhbatlasha-suhbatlasha bir-birlarini qalban anglab boradilar!