BORAR YOʻLING TURKISTONDIR...

XX asr oʻzbek milliy uygʻonish harakati – jadidchilikning yorqin vakillarining hamon dolzarbligini yoʻqotmay kelayotgan uygʻoq fikrlari aks etgan ushbu toʻplamga milliy va tashqi davriy nashrlarda eʼlon qilingan safar xotiralari, ijtimoiy-siyosiy, madaniy hayotga doir maqolalar, adabiy materiallar kiritildi. Shuningdek, Mahmudxoʻja Behbudiyning qator maqolalari va «Fargʻona xotiralari»ning davomi, Munavvarqori Abdurashidxonov, Ismoil Obidiy, Ahlulloh Haybullin, Moʻminjon Muhammadjonov, Ahmadjon Bektemirov maqolalari, Abdurauf Muzaffarzoda qalamiga mansub tanqidiy maqolalar hamda «Ong umidlari» hikoyasi ilk bor eʼlon qilinmoqda. Ushbu nashr XX asr ijtimoiy-siyosiy va adabiy tafakkurining shakllanishi, milliy uygʻonish davri bilan qiziquvchi mutaxassislar hamda keng kitobxonlar ommasiga moʻljallangan.