«BORSA KELMAS»DAN QAYTGANLAR

Maxsus xizmatlarning eng murakkab yo'nalishlaridan biri bo'lgan harbiy razvedka! Bu sohada ignaning teshigidan o'tadigan mohir, uddaburro, tog' va daryolardan oshib-hatlaydigan jasur, matonatli o'g'lonlar xizmat qiladi. Ular o'ta xatarli vaziyatlarda ham o'zlarini tuta biladigan, muhim qarorlarni tezkor qabul qilish ko'nikmasiga ega, jismonan baquvvat, doim jangovar shay, bilim va salohiyatli bo'lishi kerak. Aks holda, ya'ni bunday sifatlarga ega bo'lmasa, davlat manfaatlariga xizmat qiladigan o'ta muhim va maxfiy topshiriqlarning uddasidan chiqolmaydi. Asarda sobiq ittifoq parchalanib ketganidan so'ng Rossiya Federatsiyasi tashqi razvedka xizmati tomonidan Afg'onistonda o'tkazilgan ana shunday – mohiyati faqat razvedkachilar guruhi rahbarigagina ma'lum-u, qolganlardan mutlaqo maxfiy tutilgan juda muhim jangovar operatsiya, bu jarayonda bosib o'tilgan yo'l mashaqqatlari, qator to'qnashuvlar tafsilotlari, voqealar rivoji bilan bog'liq yaqin tarixdagi xatolar, xotiralar, insonlar taqdiri va AQSH maxsus xizmatlari bilan xufiyona raqobat haqida hikoya qilinadi.