BOZOR OSHXONASIDAGI QIZ

Uydagi og'ir biqiq turmush tarzida ulg'aygan oddiy qishloq yigitining olis cho'ldagi shaharga otlanishi hayotida tubdan burilish yasaydi. Shu vaqtgacha o'z haqqi-huquqi uchun talashib tortmagan, qishlog'idan chiqmagan va hech kimni sevmagan buz yigit edi. Fayzsiz Iroqli shahrida uni otashin muhabbat, yigitlik g'ururi yo'lidagi qonli janglar, xayolining ko'cha-ko'cha ham kelmagan darajadagi katta boylik kutib turardi. Bir jihatdan bularning hammasi shahar bozoridagi oshxonada ishlaydigan sirli qizga bog'liqdek edi... Bugungi kunda o'z kitoblari bilan ko'plab qissasevar muxlislar orttirayotgan ijodkor Azamat Qorjovovning “Bozor oshxonasidagi qiz” qissa qahramoni Zafarning Dilxayoni topishi, baxtu baxtsizlikka uchrashi tarixi kitobxonni o'yga toldiradi. Zafar to'g'ri yo'l tanladimi? Nega bunchalik alamzada bo'lib qolgandi? Uni qaltis, shafqatsiz, tavakkal va qonli sarguzashtlarga boshlagan kuch nima edi? Muhabbat va g'urur emasmi?!