Bu dunyoda oʻlib boʻlmaydi

Asar bosh qahramon - Botir Firqada ikkita yolgʻiz insonni koʻrish mumkin. Biri - hayotdagi ishonch va eʼtiqodlari ozib-oqibat sarobga aylanganidan yolgʻizlanib qolgan boʻlsa, ikkinchisi - qalbi va vijdoniga qarshi ish qilayotganidan iztirob chekib yashayotgan yolgʻiz inson. Uning ismi ham - jismi va ruhiga mos - Botir firqa, tabiatan botir va mavjud tuzumning firqasi. Asar voqealari davomida baʼzan unisi, gohida bunisi ustun kelib qolaveradi. Romanda ikkita muhim davr aks etgan: 1933-yilgi ocharchilik hamda 1956-yilgi shoʻro tuzumi va oʻzgarishlar bilan bogʻliq davr. Birinchi davrda asar qahramonining aqli va qalbi oʻrtasidagi “kelishmovchilik” tufayli ruhiyatidagi sodir boʻlgan yolgʻizlikka guvoh boʻlasiz. Botir firqa jamiyat bilan bogʻliq, hukumatga aloqador shaxs. Tuzumning zalgʻni zoʻrlashga, abgor qilishga qaratilgan qonun-qoidalariga, qarorlariga firqa boʻlganligi bois boʻysunishga mahkum. Ammo u faqatgina davlat odami emas, oʻz xalqining jonkuyar farzandi, yuragida oʻzbek qoni oqib turgan shaxs. Togʻay Murodning ushbu romani shoʻro tuzumining gʻayriinsoniy qiyofasini ochib berish bilan birga oʻquvchini har qanday sharoitda oʻz qalbida quloq solib yashashga daʼvat etadi.