BULBUL BOʻLIB SAYRAYMAN

Har bir ijodkorning oʻz yoʻli, oʻz uslubi, oʻz mavzulari boʻladi. Ana shu oʻziga xoslik uning adabiyotdagi oʻrnini belgilashga xizmat qiladi. Miltiqboy Xonnazarov adabiyotda oʻrin olishga ham, shoirlikka ham hech qachon daʼvo qilmagan. Qoʻlingizdagi kitob satrlarida u oddiy soʻz bilan ifodalay olmagan izhorlarini nazmiy yoʻl bilan aytishga harakat qilgan. Shoir hayotdan olgan saboqlarini tahlil etadi. Ularni sheʼriy satrlarga solib, oʻquvchi bilan oʻrtoqlashadi va koʻpgina sheʼrlarida qanday xulosa chiqarishni oʻquvchining hukmiga havola etadi. Uning sheʼrlarining oʻziga xosligi shundaki, Miltiqboy Xonnazarov ona yurt, ulugʻ bobokalonlarimiz va ezgulik haqida yozishni kanda qilmaydi. Miltiqboy Xonnazarov sheʼrlarini sinchkovlik bilan oʻqisangiz, muallif koʻrgan-kechirganlaridan ibratli, axloqiy, badiiy, falsafiy xulosalar chiqaradiki, bu dil nomalari sizga ham maʼqul boʻlishiga ishonamiz.