BURCH

Ko'zmunchoq! Tilimizda shunday samimiy so'z bor. Ota-bobolarimizning ko'zga yaqin, kelishgan farzand-u nabiralariga qaratda aytiladigan "Ko'z tegmasin" iborasini ko'p eshitganmiz. Ehtimol, shu so'zdan ilhomlanib O'zbekiston xalq shoiri Sirojiddin Sayyid ham kitoblaridan birini "So'zmunchoq" deb nomlagandir. Adabiyotimizda ham ana shunday o'sib kelayotgan ko'rkam nihollarning bog'ga aylangulik bo'yi bor. Bu bog'larning hosili mo'l bo'lishini niyat qilib, bir turkum kitoblarni "So'zmunchoq" rukni ostida nashr etishni reja qildik. Navoiylik Alisher taxallusi bilan ijod qilayotgan shoirning dil so'zlari allaqachon qalbingizga kirib borgandir. Uning sodda, chapani va samimiy misralarida shunday bir ohang borki, o'quvchi she'rdan she'rga o'tar ekan, beixtiyor maftun bo'lib boradi. Shoir she'rlari bolalikning sof tuyg'ulari, o'spirinlikning beg'am xayollari, yigitlikning jasoratli qadamlari va oshiq likning nozik dardlari ila yanada teranlashgan. U voqealarni ta'sirli, qalbga yaqin uslubda bayon etar ekan, hissiyotlar to'g'ridan-to'g'ri o'quvchi yuragiga o'rnashib qoladi. Qo'lingizdagi kitob shunday tuyg'u va hislarni o'zida mujassam etgani, samimiy izhorlar bilan bezalgani bilan ham esda qolardir. O'zbekiston Yozuvchilar uyushmasi homiyligida chop etildi.