Buxoro amirligining oltin xazinasi

Milliy istiqlol qaddimizni rostlab, aqlimizni peshladi, qaramlikdan ozod etdi. Tafakkur va maʼnaviyatimizning tiklanishi tariximizning qora deb koʻrsatilgan jihatlarini toʻgʻri anglashimiz, maxfiylikka mahkum etilgan voqeliklarni roʻyobga chiqarishimiz imkonini berdi. Ushbu tadqiqot mana shu buyuk imkoniyat mahsuli hamda muallifning izlanishlari samarasi sifatida ilk marotaba 2008 yilda nashr qilingan edi. Endilikda bu kitob toʻldirilgan va qayta ishlangan holda oʻquvchilarga taqdim qilinmoqda. Unda Buxoro amirligining chorakam ikki asrlik oltin xazinasining ixcham tarixi, taqdir va qismati, taxminiy miqdori tarixiy hujjat hamda boshqa manbalar asosida ilmiy jihatdan oʻrganilgan. Monografiya asar, tarixi va iqtisod tarixi mutaxassislari, bank va moliya xodimlari, tadbirkorlar, oliy oʻquv yurtlari talabalari, umuman keng kitobxonlarning ilmiy-maʼnaviy ehtiyoj va talablarini hisobga olib qayta nashr qilindi.